Чаллыда эшче куллар җитми

Чаллыда эшсезлек дәрәҗәсе түбән дәрәҗәдә – нибары 0,13% процентны тәшкил итә. Чагыштыру өчен, Казанда бу сан – 0,22%, Түбән Камада – 0,25%, Әлмәттә – 0,19%. Шуңа да карамастан эшче кулларга кытлык күзәтелә. Бүгенге көндә шәһәрдә 6 мең вакансия бар. Бер эшсез кешегә 16 вакансия туры килә.

«Гомуми ихтыяҗ 65% тәшкил итә. Аеруча машина йөртүчеләр, слесарь, станок операторлары, электромонтёрлар, наладчик, табиблар, шәфкать туташлары, тәрбиячеләр җитми», – ди «Работа России» кадрлар үзәге Татьяна Быданова.

Кадрлар мәсьәләсенең кискен торуын мэр Наил Мәһдиев та искәртте. Проблеманы хәл итү юлларын табарга кирәклеген белдерде.