Чаллының физкультура һәм спорт идарәсе башлыгы эшеннән китте

Чаллының физкультура һәм спорт идарәсе башлыгы Роман Нәсрединов эшеннән китте. Аны Яшел Үзән шәһәренең «Маяк» спорт комлексы» учреждениесенә чакырганнар. 

«Әлеге учреждение ТР спорт Министрлыгы карамагында, Татарстан чаңгычылар җыелма командасы өчен спортчылар әзерләү белән шөгыльләнә. Чаңгы спорты федерациясе безгә мөрәҗәгать белән чыкты. Роман Мансурович шунда эшкә күчте», – диде мэр Наил Мәһдиев. 

Физкультура һәм спорт идарәсе башлыгы итеп «Виктория» спорт мәктәбе директоры Ренат Рөстәм улы Ахметшин билгеләнде.