Чаллы Бизнес-инкубаторына сайлап алу өчен гаризалар кабул ителә башлады

Бизнес-инкубатор – ул яшь IT-компания өчен офис кына түгел, ә мәгълүмат технологияләре өлкәсенә җәлеп ителгән барлык кешеләр өчен заманча экосистема. Резидентлар өчен даими рәвештә экспертлар, инвесторлар, серияле эшмәкәрләр катнашында белем бирү чаралары үткәрелә, алар үз киңәшләрен бирә һәм бизнесны үстерүдә теге яки бу "тар урыннарны" җиңәргә ярдәм итә.
Бизнес-инкубатор резиденты статусы тулы бер хезмәт күрсәтү комплексы алырга мөмкинлек бирә:
1. Эш кыры – «open space» 1-3кә кадәр тулысынча җиһазландырылган урыннар;
2. Бөтен Россиядән коучейларны һәм гамәлдәге эшмәкәрләрне җәлеп итеп үткәрелгән чараларда катнашу;
3. Грантлар турында мәгълүмат бирү һәм инвестор эзләүдә ярдәм итү;
4. Салым ташламасы һәм бухгалтерлык хезмәте;
5. Юридик консультацияләр;
6. Парковка, кухня, ашханә, спорт тренажерлары, төсле һәм 3d принтерлар, канцтоварлар һәм башка мөһим вак-төякләр;
7. Презентацияләр зонасында үз чараларын үткәрү һәм сөйләшүләр бүлмәләрен куллану;
8. ИТ-йортта социаль аренда мөмкинлеге.
Сайлап алуда катнашу өчен 6 февральгә кадәр презентация әзерләргә һәм аны itparkrt.ru сайтына гариза белән бергә беркетергә кирәк.

http://nabchelny.ru/