Чаллы Әбугалисинасы кем?

Чаллы татар дәүләт драма театрында яңа спектакль өстендә эшли башладылар. Коллектив Каюм Насыйриның «Әбугалисина» әсәрен сәхнәләштерә. Инсценировка авторы –  язучы Айгөл Әхмәтгалиева. Режиссеры – Г.Камал исемендәге татар дәүләт академия театрының баш режиссеры Фәрит Бикчәнтәев шәкерте, бүгенге көндә укуын Мәскәүдә дәвам итүче Гөлназ Минкина. Әбугалисина ролендә талантлы артист – Рәзил Фәхертдинов. «Репетицияләрне әйбәт кенә башлап җибәргән идек. Әмма чир аркасында эшне туктатып торырга мәҗбүр булдык», – диде ул хәбәрчебезгә. Артистларыбыз исән-сау булып,  «Әбугалисина»ны тамашачыларга күрсәтсеннәр иде.

Фото ачык чыганаклардан алынды