Чаллыда язга багышланган күргәзмә ачылды

Картиналар галереясенең кече залында Чаллы рәссамы Светлана Большакованың «Язга багышлау» исемле шәхси күргәзмәсе ачылды.

Күргәзмәдә төрле елларда эшләнгән гобеленнар тәкъдим ителгән. Күргәзмә экспозициясендә басма графика – линогравюра, картондагы гравюра техникаларында эшләнгән график битләр дә бар.

Светлана Большакова –  институтның сәнгать-график факультетын тәмамлаган, сәнгать педагогикасы проблемалары буенча кандидатлык диссертациясен яклаган, Татарстан Республикасы Рәссамнар берлеге һәм Россия Рәссамнар берлеге әгъзасы. Хәзерге вакытта аның һөнәри мәнфәгатьләре өлкәсе – югары мәктәптә һәм балаларга өстәмә белем бирүдә сәнгать педагогикасы.

Аны күргәзмәсе ачылу белән "Россия Рәссамнар берлеге" Чаллы оешмасы рәисе Ленар Әхмәтов һәм "Подросток" яшьләр-яшүсмерләр клублары үзәгенең "Радуга"структур бүлекчәсе җитәкчесе Татьяна Батракова  котлады. Чаллы сәнгать көллиятенең музыка бүлеге студенты саксофонист Всеволод Ногтев тантанага бәйрәм рухы өстәде.