Исерек килеш руль артына утыручыларны 15 ел төрмә көтәме?

Русия Дәүләт думасының бу башлангычын Хөкүмәт һәм Югары суд хуплаган.
Шушы закон кабул ителгән очракта, исерек водитель ясаган һәлакәттә кешенең сәламәтлегенә авыр зыян килсә, кагыйдә бозучыны дүрт елга төрмәгә ябарга мөмкиннәр.
Әгәр дә инде кеше үлсә, машина йөртүчене 12 елга ирегеннән мәхрүм итү көтә.
Шушындый “исерек” һә­лакәттә берничә кешенең гомере өзелсә, шоферны 15 елга утыртачаклар. Әлеге закон кабул ителсә, юлларда фаҗигаләр бераз кимер иде, бәлки.

https://kiziltan.rbsmi.ru/articles/obchestvo/iserek-kilesh-rul-artyna-utyruchylarny-15-el-t-rm-k-t-me/