Кызлар да футбол уйный - ФОТОЛАР
4 апрель көнне Чаллыда мәктәп футбол лигасы турниры ачыла. Бу турыда журналистларга матбугат конференциясендә сөйләделәр. Быел футбол лигасында 32 мәктәп командасы катнаша, шуларның 6сы кызлар. Барлыгы – 384 кеше.
Җирәбә нәтиҗәләре буенча футбол турнирының уйнау графигы төзелде. 5нче апрелдән 12 апрельгә кадәр һәр көн сигезәр мәктәп командасы көч сынашачак.
Чаллыда мәктәп футбол лигасы 7 ел эшли, бу вакыт эчендә анда 4 меңнән артык укучы тупланды.
Былтыр уенның абсолют җиңүчесе булып 77нче гимназия командасы табылды. Бүләккә аларның мәктәп спортзалларына капиталь ремонт ясалды.
Мәктәп футбол лигасы ярышларын оештыручыларның берсе – РФ Пенсия фондының Чаллы филиалы башлыгы, шәһәр Совет депутаты Эдуард Фәттахов.
– Чаллыдан тыш, футбол ярышлары Татарстанның җиде шәһәрендә һәм районында узачак. Бездә җиңүче команда шәһәр данын Казанда финал уеннарында яклаячак, – диде ул.
Следите за самым важным и интересным в Telegram-каналеТатмедиа
Нет комментариев