Мәскәүдән шалтыратып алдаганнар

Аларның берсе шәхси оешмада эшләүче 29 яшьлек хатын-кыз. Аның телефонына: “Сезнең исемгә ялган кредит рәсмиләштерелгән, әлеге проблеманы хәл итү өчен акча кирәк”, - дип шалтыраталар. Кул астында тиешле суммасы булмагач, шәһәрдәшебез 633 мең сум күләмендә кредит ала һәм аны өлешләп мошенниклар әйткән счетка күчерә. Шундый ук ысул белән 55 яшьлек тагын бер хатын-кызны алдыйлар. Ул билгесез шалтыратучыларга банктан займ алып 438 сум акча җибәрә. Әлеге фактлар буенча 159 маддәсе буенча җинаять эшләре кузгатылды. Мошенникларның телефон номеры Мәскәүдә теркәлгән.