Оста куллы Чулпан абый

Яшел Үзән районы Олы Карагуҗа авылында яшәүче Чулпан Галиуллин үз куллары белән агачтан уникаль әйберләр ясый һәм аларны көнкурештә куллана. Аның йорты әкиятләрдән өзекләрне хәтерләтә. Һәр нәрсәдә матурлык курә һәм аны башкаларга да курсәтергә тырыша ул. 65 яшендә Чулпан абый актив тормыш алып бара, спорт белән шөгыльләнә, 24 килолы герләрне һавада әйләндерә һәм башкаларны да үзләрен сакларга өнди. Әлеге кызыклы һәм уникаль шәхес турында тулырак «ВИП Media» проектының чираттагы чыгарылышында карый аласыз.