"Шәһри Чаллы"да «Яучы» эшли

Бәйрәмгә килгән ир-егетләр, гүзәл ханымнар махсус анкеталар тутырды. Анда алар үзләренең исемен, эшен, мавыгуларын һәм, иң мөһиме, кем белән танышырга теләүләрен бәйнә-бәйнә язып калдырдылар. «Шәһри Чаллы» кызлары бәйрәм барган арада да биючеләр, күңел ачучылар янында йөрде. Кыюраклар шунда урында ук анкета тутырды. 

– Ханымнар һәм әфәнделәр «Яучы» өстәле янына башта шикләнебрәк, бераз куркыбрак килделәр. Алар өчен бу зур яңалык булды. Араларында: «Аферистлар эләксә нишләрмен? Ә алдасалар?!» – дигән сораулар бирүчеләр дә булды. Әмма шунысы бар: без бар анкеталарны «иләк аша» үткәрәбез, аларны энәсеннән җебенә кадәр тикшерәбез. «Кайдандыр табылган» анкеталарны бастырмыйбыз! Әнә шуларны аңлатканнан соң, танышырга теләүчеләр ачылып киттеләр: үзләре турында мәгълүмат яздылар, яннарында кемне күрергә телиләр – барысын да сөйләделәр. Кем белә, бәлки нәкъ безнең газета аша алар үз тиңнәрен табарлар. Барлык ялгызларның да парлы булуларын телим, – дип сөйләде «Шәһри Чаллы» корреспонденты, Пятачокта «Яучы» сәхифәсенә анкеталар туплаучы Алинә Баһаветдинова. 

Пятачок турында моннан укый аласыз. 

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).