Сыерлар да... Интернетта таныша!
Ышанмасагыз, ышаныгыз! 14 февраль – Гашыйклар көнендә Бөек Британиядә сыерларны таныштыру өчен махсус кушымта чыгарганнар.
Әлеге программаны Британиянең “Hectare Agritech” дип аталган авыл хуҗалыгы стартапы уйлап тапкан.
Кушымта сыерлар белән үгезләргә “кавышырга” ярдәм итә. Уйлап чыгаручылар әйтүенчә, программа “Tinder” кебек эшли, ләкин танышуга кешеләрне түгел, сыерларны сайлый. Фермерлар да “лайк” куя ала.
“Tinder”га Британиянең 44 мең фермасының маллары кертелгән дә инде. Һәр сыерның шәхси битендә аның кайда асралуы, яше, сәламәтлек күрсәткечләре, азык рационы, яшәү шартлары һәм хуҗасының исеме кертелгән.
Компания киләчәктә шундый ук танышу кушымтасын сарыклар өчен дә булдыруны күз уңында тота.
Менә сиңа замана! Булмас, димә, бераздан малларыбыз да Интернетта утыра башласа, аптырамагыз, дуслар! Нишлисең, заманы шундый бит!
https://kiziltan.ru/selo/19633-syerlar-da-internetta-tanysha.html
Следите за самым важным и интересным в Telegram-каналеТатмедиа
Нет комментариев