Татарстанда иң борынгы таш мәчетне реставрациядән соң ачачаклар

 Иртәгә, 11 декабрьдә, Татарстан Президенты Рөстәм Миңнеханов республиканың Әтнә районында булачак, реставрациядән соң анда XVIII гасыр мәчете ачылачак, аны Казаннан читтә иң борынгы таш мәчет дип атыйлар. Бу хакта брифингта ТР Президенты матбугат хезмәте җитәкчесе Лилия Галимова сөйләде.

«Рөстәм Нургалиевич Әтнә районына барырга планлаштыра, анда Түбән Бәрәскә авылында реставрациядән соң мәчетне ачу һәм карау планлаштырыла. Ул 1769 елда төзелгән, Казаннан читтә беренче кирпеч мәчет санала», – дип аңлатты Галимова.Мәчет архитектура һәйкәле һәм төбәк әһәмиятендәге мәдәни мирас объекты булып санала. Аны, татарларның таш төзелешендәге 200 еллык тәнәфестән соң, Казандагы Шиһабетдин Мәрҗани мәчетенә караганда, бер елга алдан торгызганнар.