Украинада һәлак булган Түбән Кама егете белән хушлашу вакыты кичектерелә

Түбән Кама егете Илнур Сибгатуллин белән хушлашу чарасы бүген, 2 мартта, була. Әмма Җиңү монументы мәйданында хушлашу митингы 10.00 сәгатьтән төшке аштан соңгы вакытка кичектерелде. Ул 26 февральдә Украинада махсус операция вакытында һәлак булды.

«Җирләү вакыты кичектерелү, мәетне алып кайтучы бортның очып китә алмавы белән бәйле. Хәзер ул кузгалган инде. Мәрхүм белән хушлашу 14.30 сәгатьтә башлана», — диләр Түбән Кама районы администрациясендә.

Солдатны мөселман зиратында Геройлар аллеясендә җирләячәкләр.

Татарстан Президенты Рөстәм Миңнеханов Илнур Сибгатуллинның вафатына бәйле кайгы уртаклашу белдергән иде.