Бик тәмле гади генә пирог
Кирәк: 2 күкәй, 1 пачка ак май (180 грамм), 1 стакан шикәр, 3 стакан он, 1 кап – 10 грамм разрыхлитель (камыр көпшәкләндергеч).
Майны эретеп, шуңа күкәй, шикәр, он, разрыхлитель салып, әйбәтләп туглыйбыз. Камыр бик йомшак кына килеп чыга. Шул камырны алдан майлап куелган табага салып, кул белән генә җәеп куябыз. Камыр өстенә теләсә нинди җиләк-җимешләр тезәбез (кура җиләге, кара җиләк, кара бөрлегән һ.б.). Шуннан духовкага 30-35 минутка тыгып куябыз.
Пешкән пирогны духовкадан алабыз. Өстенә алдан әзерләп куелган крем сыман тәмле массаны салабыз. Аның өчен 200 грамм каймак өстенә 1-2 стакан шикәр комы салып, яхшылап туглыйбыз. Әлеге шикәрле каймаклы массаны пирог өстенә агызабыз. Бераз торганнан соң, кисеп, табынга чыгарырга да була.
Чәйләрегез тәмле булсын!
Гөлия ИБАТУЛЛИНА.
Следите за самым важным и интересным в Telegram-каналеТатмедиа
Нет комментариев