Эльмира Сөләйманованың яңа җыры турында: «Кем уйлаган бу җыры үз балаларына кагылыр дип…»

Җырчының социаль челтәрен алып баручы администратор Алсу Хәсәншина Эльмираның 2021 елда яздырылган җырын урнаштырган, дип яза https://vatantat.ru

«2021 елда әлеге җырның өзеген генә куйган булганбыз. Тулысы белән, нигәдер, куелмыйча калган. Җыры бик авыр булса да, мәгънәле җыр. Барлык мәрхүмә әниләргә дога булып барсын. Эльмирабызның рухы шат булсын», – дип шәрехләгән ул җырны. «Әнкәйсез йорт»ның сүзләрен Венера Шәрәфисламова, көен Зарема Әюпова язган.

«Битем буйлап агып төшә
Күзләрдән тамган яшем.
Юк шул инде, өйгә кайтып,
«Әнкәй» дип дәшәр кешем…»