Чаллы мэрына Президенттан нәрсә кирәк?

Шәһәрдә халык санын арттыру – мөһим мәсьәләләрнең берсе. Эшсезлек дәрәҗәсе 0,4% кына булса да, бүгенге көндә предприятие һәм оешмаларга хезмәткәрләр җитми. Мэр Наил Мәһдиев әйтүенчә, бу мәсьәләне хәл итү өчен  яшьләрне читкә җибәрмәскә кирәк. Моның өчен аларның ялын да тиешле дәрәҗәдә оештыру зарур.  «Орион», «Заман» яшьләр үзәкләрен ремонтларга кирәк. Мэр шулай ук Президенттан «Олимпийский» спорт комплексын 2023 елга капиталь ремонтлау программасына кертүдә ярдәм сорады. Чаллыда инженерлык челтәрләре дә тузган. Нәтиҗәдә җылылык һәм су челтәрләрендә аварияләр артканнан арта бара. 2020 елда алар – 269, 2021 елда  300дән арткан.

«Челтәрләрне ремонтлау буенча республика программасы кирәк», – диде ул президентка мөрәҗәгать итеп.

Тагын бер үтенеч: «Үсеш» сәнәгать паркының өченче чиратына финанс ярдәме кирәк.