Чәчәкләрне кышка әзерлибез
Чалмабашка (пион) көзен комплекслы ашламалар кирәк. Тирәсенә тирән булмаган буразна казырга һәм 10-15 гр калий сульфаты, 15-20 гр суперфосфат салып, мул итеп су сибәргә кирәк. Төбен черемә яки торф белән мүлчәләгез.
Розаның ботаклары өлгерсен һәм көрән төскә керсен өчен сентябрьдә фосфорлы-калийлы диетага утырталар. Бер кв метрга 1әр аш кашыгы калий сульфаты һәм 2шәр аш кашыгы суперфосфат сибәргә кирәк. Шулай ук 10 л суга 1 стакан агач көле кушып, һәр төпкә сибәргә була.
Лилия чәчәгенә 10 л суга 2 аш кашыгы суперфосфат кушарга. Суганчалары өшемәсен өчен, төбен 10 см калынлыкта черемә яки торф белән мүлчәләгез.
Хризантема, ирис, клематиска 10 л суга 1әр аш кашыгы суперфосфат һәм калий сульфаты кушылган эремә сибәргә кирәк. Ул флокс өчен дә файдалы.
Следите за самым важным и интересным в Telegram-каналеТатмедиа
Нет комментариев