Чаллы футболчылары җиңде

Чаллыда чираттагы футбол матчы булды. «КАМАЗ» футбол клубы Мәскәүнең «Родина»сын 2:0 исәбе белән җиңде. 
Көндәшләр капкасына беренче тупны Данил Шамкин кертте. Пенальтидан икенче тупны Александр Гаглоев тибеп, исәпне 2:0 итте. Нәтиҗәдә «КАМАЗ» командасы турнир таблицасының өченче баскычына күтәрелде. Беренче лигада аның очколар саны 22гә җитте. 9 октябрьдә команда Әстерханда «Волгарь» командасы белән очраша.