2025 елда Чаллы юлларында кискен үзгәрешләр көтелә

Мәгълүм булганча, 14 июльдән Мәскәү проспектына 2, 3нче маршрутлар буенча зур автобуслар җибәрелде. Аларда инде 26 меңнән артык кеше йөрергә өлгергән. 
Җитәкчеләр «Притяжение» торак микрорайонында яңа мәктәп ачылгач, пассажирлар күләме артыр дип ышана. 

Шәһәр мэры Наил Мәдиев 2025 елга Чаллының күпчелек маршрутларына яңа автоубслар чыгачак дип ышандырды. Ул 2012 елда шәһәр урамнарында йөргән «Лиаз» автобусларын бәяләп,  аларны аукцион аша сатарга кушты. «Кече автобуслар да маршрутларда йөри. Шоферлар юл-йөрү кагыйдәләрен бозмыйча, пассажирлар белән итагатьле мөнәсәбәттә булырга тиеш», – диде ул.