4 тапкыр исерек килеш тотылды

Салмыш килеш руль артына утырып йөрүче ир-ат ерак китә алмаячак. Чаллы суды аны 1 ел 8 айга ирегеннән мәхрүм итте. Җитмәсә, скутерын да дәүләт милкенә күчерде. 

Әлеге ир-ат 4 тапкыр исерек килеш тотылган була. Башта аны шартлы рәвештә, соңыннан 3 айга, 7 айга ирегеннән мәхрүм итәләр. Тик ул акылга утырмый. Соңгы тапкыр инспекторлар аны 4 май көнне «эләктерә». Ул төнне ул исерек килеш мопедка утыра. 11ләр тирәсендә төзелүче мәчеттән ерак түгел туктап сузылып ята.