Чаллыда 58 урын сатыла. Кемнәр өчен?

Быел җәйге сезонда Чаллының иҗтимагый  киңлекләрендә  сәүдә итү өчен аукционда 58 урын сатыла. Башкарма комитетның икътисадый үсеш һәм эшмәкәрлеккә ярдәм идарәсе башлыгы Гүзәл Гыйләҗева әйтүенчә, аның алтысы фуд-трак (стационар булмаган сәүдә ноктасы) булачак. 

Фуд-траклар «Яр буе», Җиңү паркы, Тукай һәм Табеев яр буйларында, «Төзүче» стадионы, «Олимпийский» спорт комплексы янына урнаштырылачак. Аларда эчемлекләр, кондитер әйберләре сатылачак. 

Спиртлы эчемлекләр, тәмәке сату тыела. 

Стационар булмаган сәүдә ноктлары 1 майдан эшли башлый.