9 яшьлек укучы дәрестә вафат булган

Бу фаҗигале хәл Севастополь мәктәпләренең берсендә була. РФ Тикшерү комитетының Кырым һәм Севастополь буенча бүлеге тикшерүчеләре хәбәр итүенчә, 3нче сыйныф укучысы физкультура дәресе вакытында вафат була. 

Мәктәптә тикшерү эшләре башланган, медицина экспертизасы үткәрелгән. Стадионда дәрес вакытында кызның хәле начарланган. Ашыгыч ярдәм хезмәтенең реанимация бригадасы балага ярдәм күрсәткән, ләкин ул кинәт үлеп киткән.

Прокуратура күрсәтелгән ярдәмнең сыйфатын, мәктәптә белем бирү эшчәнлеген оештыруда кануннарның үтәлешен, кызның гаиләдә яшәү һәм тәрбия шартларын тикшерә.