9 ноябрьдән Роспотребнадзор мәҗбүри вакцинация таләпләрен үтәү буенча предприятиеләрне тикшерә башлый

Традицион аппарат киңәшмәсе барышында шәһәр мэры Наил Мәһдиев билгеләп үткәнчә, хәзерге вакытта сәламәтлек саклау системасы киеренке режимда эшли, чөнки эпидситуация торышы өлешендә үзгәрешләр көтелми.  
«Ял көннәрендә, 4-7 нче ноябрьдә, поликлиникаларда чиратлар булмады, мөрәҗәгать итүчеләр саны сизелерлек кимеде», - дип билгеләде ул.
Роспотребнадзорның Чаллы территориаль бүлеге җитәкчесе Илгизәр Бариев хәбәр иткәнчә, хәзерге вакытта барлык сәүдә, җәмәгать туклануы, азык-төлек һәм эшкәртү сәнәгате, сәнәгать предприятиеләре, медицина оешмалары һәм мәгариф учреждениеләре тикшерелә. Ковидка каршы чараларны бозган өчен барлыгы 145 беркетмә төзелгән.
Чаллыда коронавирус инфекциясенә каршы вакцинация дәвам итә. Беренче компонент белән 199 090 Чаллы кешесе, икенчесе белән - 131 732 кеше вакцинацияләнгән. Сәламәтлек саклау идарәсе җитәкчесе Александр Николаев билгеләп үткәнчә, шәһәр предприятиеләрендә күчмә бригадалар, шәһәрнең ике сәүдә үзәгендә мобиль бригадалар даими режимда эшли. Вакцина шәһәргә җитәрлек күләмдә кайта.
Өстәргә кирәк, ноябрь ахырында Татарстан Республикасында яңа чикләү чаралары кертеләчәк. Элегрәк кертелгән барлык чикләүләр дә эпидемиологик хәл яхшырганчыга кадәр сакланачак.

http://nabchelny.ru/