Әбүзәр Ногманов: «Су коенучыларга штраф салырга кирәк»

Чаллыда су коенырга ярамаган урыннарны әйттеләр. Алар: Мәләкәс елгасы (Кыңгыраулы күпер, «Дельфин» бассейны арты, «Жемчужина» санаторие яны), Кама елгасы (Яр Чаллы йөк порты, «Маяк» көймә станциясе районы), 48нче комплекс артында Шилнә елгасы һәм кондызлы күл (44комплекс арты – карьер).

«Шуңа да карамастан коенучылар барыбер бар», – ди ГИМСның Чаллыдагы бүлеге җитәкчесе Әбүзәр Ногманов. Ул бу урыннарны контрольгә алуларын сорады. 

«Патруль белән чыгарга, коенырга ярамаганлыгы турында белдерү такталары элергә, су керүчеләргә штраф салырга кирәк. Су янында ял иткән җирләрдә алкоголь сатуны тыярга кирәк», – ди Әбүзәр Ногманов.