Ак әбиләр якты киләчәк яклы

Тукай районының Куады авылында яшәүче өлкәннәр дә Россия Президентын сайладылар.

Участок сайлау комиссиясе вәкилләре аларның өйләренә барды. "1926 елгы Мөхтәрәмә Зәбирова белән Мөнәздилә Хафизова бюллетеньнәрне укып, тавыш бирделәр", - ди Куады фельдшеры Миләүшә Фәрдиева. 

- Илләребез тыныч булсын, махсус хәрби операциядән егетләребез исән-сау кайтсыннар. Мин яраткан "Ак Барс" командасы гел җиңсен! Кыскасы киләчәгебез якты булсын, - ди газетабызның тугры дусты, "Ак Барс" командасы җанатары Мөнәздилә Хафизова.