Яңалыклар тасмасы
Алданган өлешчеләр булмасын!
Шәһәрдә өлешкә кереп фатир алырга теләүчеләр җавапсыз төзелеш компанияләренең намуссызлыгы аркасында фатирсыз кала язган иделәр.
Узган ел Чаллыда алданган өлешкә керүчеләрнең мәсьәләсе тулысынча хәл ителде. 900дан артык гаилә Татарстан Президенты Рөстәм Миңнеханов, “Профит”, “Евростиль”, “Домкор” кебек төзелеш компанияләре ярдәме белән шәһәрдәшләребез фатирлы булдылар.
Тик шәһәрдә тагын шундый ук проблема килеп чыгарга мөмкин.
Татарстан Президенты Рөстәм Миңнеханов хокук саклау структураларына Чаллының “Респект” күчемсез милек агентлыгы эшен җентекләп тикшерергә кушты. “Республикада алданган өлешчеләрнең яңа дулкыны барлыкка килүгә юл куярга ярамый. “Респект” дигән компания бар. Алданган өлешчеләр барлыкка килмәсен өчен, аның белән аңлашырга кирәк. Хокук саклау органнарындагы коллегаларыбызга шул хакта мөрәҗәгать итәм. Яңадан шундый хәл килеп чыкмасын, карагыз. Кешеләрне якларга кирәк,” - дип мөрәҗәгать итте ул. Ул өлешчеләр белән нәтиҗәле эш алып барганнары өчен шәһәр җитәкчелегенә рәхмәт белдерде.
Күптән түгел Чаллының “Респект” күчемсез милек агентлыгы белән булган вакыйга турында язган идек, аның эшчәнлегеннән дистәләгән кеше зыян күрә. Фирма җитәкчелегенә карата мошенниклык турында җинаять эше кузгатылган.
Следите за самым важным и интересным в Telegram-каналеТатмедиа
Нет комментариев