Әлфия Кондрабаева үз теләге белән эштән китте
Сәбәбе нидә?
Чаллы мэры Наил Мәһдиев эшлекле дүшәмбе киңәшмәсен рәхмәт сүзләреннән башлады. Алар торак-коммуналь хуҗалыгы һәм халык яшәешен тәэмин итү башлыгы урынбасары Әлфия Кондрабаевага багышланды. Чөнки ул үз теләге белән эштән китәргә карар кылды. “Тәҗрибәле белгечне җибәрүе авыр”, - диде мэр. Әлфия Кондрабаева ЖКХ системасында 10 ел хезмәт куйган кеше.
“Шәһәр торак-коммуналь хуҗалыгына зур өлеш кертте ул. Эше күп булды. Үзе китәргә теләк белдерде. Гаиләсенә игътибарын арттырасы килә. Хезмәтегез өчен рәхмәт сезгә”, - диде мэр.
Наил Мәһдиев грамота һәм чәчәк букеты тапшырды. Ахырда Әлфия Кондрабаева да хезмәттәшлек өчен рәхмәтләрен җиткерде. Киләсе эше дә торак-коммуналь хуҗалыгы белән бәйле булачагын әйтте.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев