«Җәмигъ» мәчете төзелешенә кем иң күп акча күчергән?

Узган ел «Җәмигъ» мәчете төзелешенә 94 млн сумга якын акча җыелган. Иң күп акча бирүче – «Санрайс Капитал» компаниясе. Ул 50 млн сум күчергән. 

«Җәмигъ» мәчете үзе 9 млн сум җыюга ирешкән. 5 млн сум Илшат Фәрдиевның «Сетевая компания»се биргән. «РБР-16» җитәкчесе Таһир Сөнгатуллин, «Чаллы икмәге» генераль директоры Рафаэль Сөләймәнов 1шәр млн сум күчергәннәр. «Юнайтед Девеломпент Групп» компаниясе 1 млн сумнан артык акча биргән. Хәйриячеләр күп. Исемлектә барлыгы 29 оешма-предприятие. Суммалар 5 мең сумнан башлана.

Шәһәрдәшләрдән 13 млн ярым җыелган. 7 млн 408 мең сумны акчалата китергәннәр.

Искәртергә кирәк, кайбер предприятиеләр хезмәт күрсәтү белән дә үз өлешен кертә.