"Аны ковид алып китте, типсә тимер өзәрдәй иде югыйсә"

Екатерина Сафина, шәфкать туташы:

– Минем ирем вахта ысулы белән Себер якларында эшли. Вакцинаны ул беренчеләрдән ясатты. Ике айдан алар эшләгән предприятиедә күп хезмәткәрләр ковид белән авырды. Араларында бу зәхмәтне бик авыр кичерүчеләр дә булган. Ә ирем белән иңгә-иң торып эшләгән Түбән Кама кешесен ковид якты дөньядан алып китте. Спорт белән шөгыльләнә торган, типсә тимер өзәрдәй ир иде юкса. «Минем грипп белән дә авырганым юк, шуңа коронавируска каршы вакцина ясатмыйм», – дигән булган мәрхүм. 
Вакцина кадаткач, организм вирусны «танырга» өйрәнә, иммунитет барлыкка килә. Чын вирус һөҗүм иткәч, адәм баласы аны җиңелчә үткәреп җибәрә, я бөтенләй авырмый. Кешеләр шуны аңласын иде.