Узган ялларда танылган саксофончы Артур Маузер һәм яшь җырчы Лия Шәмсина никах укытканнар. Артурның сеңлесе никахтан видео белән инстаграмда уртаклашкан.
«Мәхәббәт. 7 август – бу көнне ике йөрәк, ике җан, ике язмыш берләште. Яраткан абыем һәм кояш нуры – Лия, котлыйм! Абыем өйләнде!» – дип яза саксофончының сеңлесе.
Инстачылар да яшь гаиләне шатлыклы хәбәр белән котладылар. «МашаАллаһ, нинди матур пар!», «Бәхетле киләчәк телим», «СөбеханАллаһ, котлыйбыз! Гомерләре бәхетле, юллары туры булсын!» – дип комментарийлар калдырдылар видео астында.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев