Аттестат тапшыру тантанасында үлгән

Әлеге күңелсез хәл Волгоградта булган. 60 яшьлек физкультура укытучысы чыгарылыш сыйныфларны котлаган  һәм егылган. 

Фаҗига музыка театрында була. Марина Шилина укучыларны котлый, изге теләкләрен җиткерә. Аннары кисәк хәле начарланып китә. Сыгылып төшә, аңын җуя һәм мәңгелеккә күзләрен йома. 

Марина Шилина бу мәктәпкә 1992 елда килә. 20 ел дәвамында мәктәп директорының тәрбия эшләре буенча урынбасары була, төрле чаралар оештыра.

Фидакарь хезмәте өчен «РФ гомуми белем бирүнең мактаулы хезмәткәре» исеме белән бүләкләнә. «Комсомольская правда» газетасы хәбәр итүенчә, аны хезмәттәшләре дә, укучылар да яраткан.