Авариягә очраган хирург Максим Шишкинга акча җыялар

Башкортстан юлында авариягә очраган пластик хирург Максим Шишкинга акча җыялар. Бу хакта аның шәхси телеграм-каналында язып чыктылар. Бүгенге көндә ул БСМПда. Гаиләсе аны башта Казан, соңыннан Мәскәү тернәкләнү үзәгенә дәвалануга алып барырга ниятли.  

«Хәзерге вакытта ОМС (мәҗбүри медицина иминияте) белән бәйле сораулар хәл ителә. Дуслар, хезмәттәшләре, Медгард клиникасы, БСМП җитәкчелеге ярдәм итә, үз акчаларыбызны тотабыз. Мәҗбүри медицина иминиятенә минималь стандарт программа кертелгән. Квотага чират. Барлык кирәкле процедуралар, белгечләр һәм препаратлар, бәясенә һәм чиратка карамастан, мөмкин булыр дип өметләнәбез. Шулай ук, ул Мәскәүгә килгәч, Максимны озата бару мәсьәләсе килеп басачак. Әлегә бернинди дә ачык фаразлар юк, без дәвамлы тернәкләнүгә әзерләнәбез», – диелә аккаунтта.

Максим Шишкинның күрүне фокуслау белән проблемалары бар, иммунитеты какшаган, инфекцияләр белән көрәшә. Ачык баш сөяге-ми җәрәхәте булу сәбәпле бит һәм утыру нервларына да зыян килгән. 

Исегезгә төшерәбез, Максим Шишкин авариягә 27 январьда очрады. Ул абыйсы белән Белорецктан Уфага таба юл тоткан булган. Борылышта Lada Vesta машинасы идарәне югалтып, башта юл киртәсенә, соңыннан Subaru Impreza автомобиленә бәрелгән. Аннан соң каршы полосага чыгып Mitsubishi Outlander машинасы белән бәрелешкән. Максим Шишкин пассажир урынында утырган һәм куркынычсызлык каешларын эләктермәгән булган. Нәтиҗәдә тәрәзәдән чыгып очып күп җәрәхәтләр алган. Аеруча башына зыян килгән. Абыйсы исән-имин. Озак вакыт Максим Шишкин Уфа хастаханәсе реанимациясендә ятты.