Чаллыда хатын-кызның казналык сөяге черегән

5нче шәһәр хастаханәсе табиблары 45 яшьлек хатынга катлаулы операция ясады. Түбән теш казналыгын титан пластинага алыштырды. Пациентның казналык сөяге череп, авызына ук чыккан. Ике ай каты ризыклар ашый алмыйча хәле авырайгач кына табибларга мөрәҗәгать иткән. Табиблар аңа остеомиелит дигнозы куеп, ашыгыч рәвештә операция ясады. Әлеге хатын теш табибларыннан нык курка торган булган. Шунлыктан кечкенәдән табибларга йөрмәгән, тешләрен беркайчан да дәваламаган. 

«Бит-казналык хирургиясе табибларының бу беренче тәҗрибәсе. Авыру хәзер тернәкләндерү курсы үтә», – дип хәбәр итте башкарма комитетның сәламәтлек саклау идарәсенең матбугат хезмәте.  

Сәламәтлек саклау идарәсе фотолары