Азаде, Атика, Гапур... Чаллыда балаларына ничек кенә исем кушмыйлар!

Чаллыда сабыйларына үзенчәлекле исем кушу буенча ярыш бара, ахрысы. Кызларга – Азаде, Астрид, Атика, Виллина, Кабе, Киана, Лионелла, Санам, Селби, Анна София, Идиль Ада, малалайларга Ансель, Альвиан, Дияр, Мамикон, Гапур, Вела, Ёсин, Зейд дип исем кушканнар. 

Төрек сериалларын карап хисләнүчеләр дә күп. Кызларга Мелек, Элиса, Зәйнәп, малайларга – Кемаль, Селим, Демир, Юсуф дип исем биргәннәр.  

Иң популяр исемнәр – Айлина (Айлин) һәм Әмир. Шулай ук кызларга Әминә, София, Эмилия, Ева, Ясминә, малайларга Тимур, Мирон, Раян, Аяз, Кәрим дип кушучылар күп.