«Орбита-2» ширкәтендә этләр үрчетүче хатынны судка бирделәр

Бакчасында этләр үрчетүче хатын-кызны күршеләре судка бирде. Алар әйтүенчә, ул 7 ел дәвамында тынгылык бирми. Җир кишәрлекләрен бизнес өчен тота. Эт асраучы гаебен танымый. Судта ул хайваннар яратучылар клубы вәкиле булуын һәм этләрне үзе өчен асравын әйтә. Һәммәсе вольерда яши, прививкалар ясатылган, паспортлары бар, дип белдерә. «Этләр – минем гаиләм» ди. Суд эше кабат 26 августта каралачак.