Балалар арасында Коксаки вирусы тарала

Россиядә балалар арасында Коксаки вирусы таралу очраклары арткан. Авырулар Уфа, Орел, Владимир, Төмән, Новосибирск шәһәрләрендә, шулай ук Краснодар өлкәсендә теркәлә.  Нигездә, 3-6 яшьлек балалар Коксаки белән чирли.

Коксаки – энтеровирус инфекция, ул су, ризык, авыру кеше аша күчә. Риск төркемендә – балалар, пенсионерлар, иммунитеты түбән булганнар. Коксакиның симптомнары салкын тиюгә охшаш – хәлсезлек, мускуллар авыртуы, күңел болгану күзәтелергә мөмкин. Аеруча, тәнгә игътибар бирергә кирәк – тән тиресе кычытырга, кубарга, тимгелләр чыгарга мөмкин. Дөрес дәваланмасаң, менингит һәм көчле баш авыртуына китерергә мөмкин.

Табиблар шәхси гигиена кагыйдәләрен үтәү - авыру йогу рискын киметә ди.