Балалар бакчасына йөрүчеләр экскурсиягә барды

115нче балалар бакчасында тәрбияләнүчеләр сугыш чоры, әби-бабайларыбыз яшәеше турында хәзер күп белә. Алар өчен 82нче кадет мәктәбендә экскурсия үткәрделәр. Балалар көнкүреш һәм «Подвигу жить» хәрби тарихи музейларында булдылар. Чара Бөек Ватан сугышында Җиңүнең 80 еллыгы кысаларында оештырылды.  

«Хәрби дан музеена кергәч, балаларның күзләрен күрсәгез!  Кызыксыну, соклану белән тулы иде. Китаплар, коляска, йон эрләү станогы, чын карачкы… ниләр генә юк. Шулкадәр күп экспонатлар белән таныштылар. Хәтта тотып та карадылар. Элекке парта артына утырырга чират җыелды», – ди балалар бакчасы психологы Юлия Суслова.  

Хәрби дан музеенда балалар Бөек Ватан сугышына багышланган экспонатлар белән таныштылар. Сугыш еллары хатлары, документлар һәм фотосурәтләр беркемне дә битараф калдырмады. Әлеге экскурсиядән балалар хисләнеп кайттылар. 

Экскурсиягә 3нче һәм 12нче төркем балалары барды.