Балалар бакчасына пычак белән кермәкче булган

mash iptash телгерам каналы хәбәр итүенчә, Казанда 18 яшьлек егет пычак тотып Короленко урамындагы балалар бакчасына бәреп керергә маташкан.

Шаһитлар сүзләренчә, егет территориягә ата-аналар балаларын алып килгән вакытта кергән. Пычак чыгарган, үзен адекват тотмый башлаган, бинага керергә теләгән. Егетне бакчага йөрүчеләрнең әтиләре һәм сакчы хезмәткәрләре тоткан, полициягә һәм Росгвардиягә тапшырганнар.
Аны психотроп матдәләр кулланган дип фаразлыйлар.