Бахларның музыкант уллары Камил дәрәҗәле бүләккә лаек булды

Илназ Бах белән Гүзәл Идрисованың уллары Камил төрле конкурс-бәйгеләрдә җиңеп әти-әнисен, туганнарын сөендерә.
Шушы көннәрдә ул тагын мәртәбәле бүләккә лаек булды. Казанда хәйрия концертында чыгыш ясагач, спорт өлкәсендә «Манзара»  премиясен оештыручы Айдар Шәймәрданов аңа статуэтка һәм стипендия тапшырды.

«Без моңа кадәр спортчылар, җырчыларны гына бүләкли идек. Хәзер талантлы яшьләрне дә игътибарсыз калдырмыйбыз. Спорт, мәдәни чараларда актив катнашкан өчен милләтебезнең талантлы яшь музыканты Камил Бахка беренче стипендияне тапшырабыз. Ул үсә, акча яңа гел кирәк», – диде ул.