Баһлар Гран-При алды

Чаллыда күренекле курайчы Иңбер Шәфыйков истәлегенә милли музыка уен коралларында уйнаучылар арасында «Моңлы дөнья» дип исемләнгән дүртенче халыкара фольклор фестивале узды.

«Анда 5-80 яшьлек кешеләр катнашты. 100гә якын бала, 50дән артык иҗат коллективы көч сынашты», – ди бәйгене оештыручыларның берсе, «Энергетик» мәдәният сарае директоры урынбасары Рөстәм Фәттахов. 

Әлеге мәртәбәле бәйгедә Татарстанның атказанган артисты Илназ Баһ җитәкчелегендәге «Бәхетдин» ансамбле дә чыгыш ясады. Нәтиҗәдә Камил, Рамил, Марсель Баһлар Гран-при бүләгенә лаек булдылар.  Афәрин, егетләр!