БДИ тапшыруга гаризалар кабул итү 1 февральгә кадәр дәвам итәчәк

Гаризалар сишәмбе һәм пәнҗешәмбе көннәрендә 10:00 сәгатьтән 17:00 сәгатькә кадәр (12:00 дән 13:00 гә кадәр төшке аш тәнәфесе) Чаллы шәһәре башкарма комитетының мәгариф идарәсенең 334 кабинетында түбәндәге адрес буенча кабул ителә: Х.Туфан пр., 23 йорт. Идарә килү алдыннан бер көн кала 30-55-60 телефоны номерына пропускка заказ бирергә кирәк.

Белешмәләр өчен телефон номеры: 30-59-34. Пропуск алу өчен үзең белән паспорт яисә шәхесне раслый торган башка документ булырга тиеш.
Гаризаны бирү өчен түбәндәге документларның күчермәләрен тәкъдим итәргә кирәк: 1) Паспорт, теркәлү кәгазен дә кертеп; 2) СНИЛС; 3) 11 нче сыйныфны тәмамлау турында аттестат яисә көллият дипломы.
Урта һөнәри белем бирү учреждениеләре студентлары көллиятләрдә гариза бирә ала.

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).