Белмәгән кешедән чәчәк алмагыз

Аферистлар кешеләрне чәчәкләр ярдәмендә алдамакчы. Курьер  булачак корбанына килә дә, үзен чәчәкләр илтеп бирү хезмәтеннән дип таныштыра һәм чәчәк бәйләме калдырып китә.

«Вестник киберполиции России»  телеграмм-каналы хәбәр итүенчә, икенче көнне чәчәк алган кешегә имеш шул илтеп бирү хезмәтеннән шалтыраталар.

Шалтыратучы чәчәк тапшыру турында катгый хисап тотарга кирәк дип сылтама белән  смс-хәбәр аша килгән кодны әйтүен сорый. 

Беркатлы кешеләр моңа ышанып, кодны хәбәр итә, ә мошенниклар аның шәхси мәгълүматларын куллану мөмкинлегенә ия булалар һәм корбан исеменә кредит рәсмиләштерә алалар. Сак булыгыз.