Хокук сакчылары аптырашта.
Мошенниклар турында күпме сөйләсәләр дә, алданучылар кимеми. Чаллыда 76 яшьлек тагын бер хатын-кыз мошенниклар тозагына эләкте. «Акчаларыгың куркыныч астында», дип шалтыратканнар. Саклап калу өчен куркынычсыз счётка күчерергә киңәш иткәннәр. 70 яшьлек ир-ат белән очраштырганнар. Аның да акчасын «сакларга» тырышып йөргән чагы булган. Ул хатын-кызга 320 сумын билгесез счётка күчерергә ярдәм иткән. Үзенекен дә җибәргән. Шул моменттан мошенниклар горизонттан югалган.
Мошенникларга карата җинаять эше кузгатылды. Аларга 5 елга кадәр ирекләреннән мәхрүм ителү яный. Тик эзләренә чыга алырлар микән? Хокук сакчылары җиңелләрдән түгел, ди. Мошенникларның Мәскәү һәм Ульяновск өлкәсендә теркәлгән номерлар аша шалтыратуы гына билгеле.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев