Билгесез солдат көне

Дәүләт Думасы 3 декабрьне Россиядә яңа истәлекле дата - Билгесез солдат көне дип игълан итү турында закон кабул итте.

Элек Президент администрациясе җитәкчесе Сергей Иванов хуплавын алган инициатива авторлары - барлык фракция депутатлары төркеме, алар арасында Дума бердәмроссиялеләре җитәкчесенең беренче урынбасары, Әфганстан ветераннарының Россия берлеге лидеры Франц Клинцевич, Дәүләт Думасының беренче вице-спикеры Иван Мельников (КПРФ) һ.б. бар. Сергей Иванов Россия өчен истәлекле көнне билгеләү актуаль, чөнки СССРдагы кебек күпләп хәбәрсез югалган солдатлар башка бер илдә дә юк, дип белдерде.