Битлек режимы дәвам итә

Covid-19 коронавирусы белән бәйле вазгыять тотрыклы булуга карамастан, битлек режимы һәм дистанция саклау таләбе ким дигәндә 2021 елның март ахырына кадәр дәвам итәчәк. Бу турыда Россия Кулланучы хокукларын яклау буенча күзәтчелек хезмәтенең Татарстан буенча идарәсе җитәкчесе урынбасары Любовь Авдонина хәбәр итте.

“Битлек режимы һәм социаль дистанция буенча таләп грипп һәм ОРВИ эпидемия сезоны буе сакланачак, гадәттә ул март ахырына кадәр дәвам итә”, - диде ул. Аннары билгеләнгән сроктан соң аны озайту яки кичектерү мәсьәләсе каралачак.