Бу пенсия түләү көне бәйрәмгә туры килү белән бәйле
Пенсионерларның бер өлеше ноябрь ае өчен пенсияне вакытыннан алда алачак. Түләүне 4 нче числода карталарга һәм счетларга килә торган кешеләргә алдан ук күчерәчәкләр. Ноябрьдә бу бәйрәм көненә туры килгәнгә, пенсия 3 ноябрьдә түләнәчәк. 5 ноябрьдән банклар аша пенсияләр китерү стандарт график буенча яңадан торгызылачак.
Почтальоннар пенсияләрне 3 ноябрьдән 25 ноябрьгә кадәр өләшәчәк, шул ук вакытта акчаны почта бүлегенең кассасыннан да алырга мөмкин булачак. 4 ноябрь өчен түләүләрне дә почта алдан, ә аерым очракларда инде 1 ноябрьдә үк китерәчәк. Ноябрь бәйрәмнәре белән бәйле рәвештә пенсияләр түләү турындагы мәгълүматны банкларда һәм «Россия почтасы» бүлекчәләрендә ачыкларга мөмкин. Теләк буенча пенсия алуның хәзерге ысулын үзгәртергә, мәсәлән, аны почтадан картага күчерергә мөмкин.
Нет комментариев