Блогер Гөлия Вәлиәхмәтова хастаханәдән чыкты

Татарстанның күренекле блогерларының берсе, аранжировка остасы Марат Мухинның хатыны Гөлия Вәлиәхмәтова Мәскәүдә операция ясаткан. «Үзем өчен...» – дип ул күкрәкләрен күтәрткән. Моңа кадәр ашказынын кечерәйттергән иде. 

Операцияне чыгышы буенча Башкортостан егете, хирург Ренат Гарипов ясаган. Гөлия үзен яхшы хис итә, аны хастаханәдән чыгарганнар инде. 

« 420 мең сумлык операция уңышлы узды. Табиб Казанга самолет белән кайтырга рөхсәт итте. Әмма мин машинада, үземнең язылучым белән кайтырга булдым. Юлда вакыт барыбер 5 -6 сәгать уза. Миңа 3 кг артык йөк күтәрергә ярамый. Чемоданым 8 кг авырлыкта. Аэропортта аны берничә тапкыр күтәрергә туры киләчәк», – дип хәбәр итте ул үзенең социаль челтәрләрендә.

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).