Бозга керү куркыныч

Түбән Кама ГЭСы плотинасының Түбән Бьефы аларда аеруча борчу уята. 
«Балыкчыларның ныгып җитмәгән бозга чыгуы, гражданнарның автомобильдә боз өстендә йөрүе – батып үлүнең төп сәбәпләре», – дип белдерде Кече суднолар буенча дәүләт инспекциясенең Чаллы инспекторлык бүлеге җитәкчесе Әбүзәр Ногуманов. Бәхетсезлекләрне кисәтү максатыннан алар  даими рәвештә кешеләр күпләп бозга чыга торган урыннарда рейдлар үткәрәләр, боз калынлыгы үлчиләр. Хәзерге вакытта ул ни бары  3-5 сантиметрны тәшкил итә. 
Боларны исәпкә алып, район башлыкларына халык күпләп йөри торган бозлыкларны махсус контрольгә алырга, кешеләр арасында аңлату эшләрен көчәйтергә кушылды. Ә гамәлдәге кануннарны бозып, үзләренең тормышларын куркыныч астына куючы физик затлар – 1500-2000, җаваплы җитәкчеләр 5000-7000, юридик затлар 50 000-70 000 сум штраф түләячәк. Шәһәр мэры Наил Мәһдиев балыкчыларга сак булырга, һава торышы үзгәреп торганда балаларны караучысыз калдырмаска кирәклеген ассызыклады.