Аның эше буенча суд утырышы булды.
Сүз Галиуллин фамилияле Чаллыда яшәүче ир-ат турында. Ул Интернет мошенниклар белән берләшеп, пенсонерларны алдый. Зур суммалар үзләштерә.
Мошенниклык схемасы киләсе рәвештә була. Эшне мошенниклар башлап җибәрә. Пенсионерларга полиция хезмәткәре булып шалтыратып: “Синең улың (кызың) авариягә эләкте, коткару өчен шуның кадәр сумма кирәк”, - диләр. Бу вакытта психологик яктан нык басым ясыйлар. Трубканы ташлаттырмыйча улы (кызы) булып та сөйләшәр. Әби-бабайлар нишләсен?! Ышанып, тизрәк акча әзерлиләр. Аны такси йөртүчесе килеп ала. Соңыннан акча Галиуллин кулына эләгә. Ул сумманың 95 процентын телефоннан шалтыратучы мошенниклар счётына күчерә. 5 процентын үзенә алып кала торган була.
Полиция хезмәткәрләре сизмәсен өчен мошенниклар үзара социаль челтәрләрдә аралаша. Шалтыратканда да төрле номерлар кулланалар. Галиуллин барлыгы 1 миллион 300 мең сум үзләштерергә өлгерә.
Галиуллинга карата Чаллыда суд утырышы булды. Аны шартлы рәвештә 2 елга ирегеннән мәхрүм иттеләр. Моннан тыш, 2 ел төзәтү эшләре дә билгеләнде.
Үзләштерелгән акчалар өлешчә хуҗаларына кайтарылды.
Фото ul.aif.ru сайтыннан алынды
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев