Банкта петарда шартлатучы ир-атны тоттылар

Чаллының Эчке эшләр идарәсенең матбугат хезмәте белдерүенчә, вакыйга 26 июньдә була. Билгесез ир-ат шәһәр банкларының берсенә кереп петарда кабыза. Аны банкомат янында шартлата. Үзе урыннан кача. Бәхеткә, беркем зыян күрми.

Тикшерүләрдән соң, хокук сакчылары салют оештыручы эзенә чыга. Ул Тукай районында яшәүче 47 яшьлек ир-ат. Үз гаебен таныган. Әмма гамәле сәбәпләрен әйтмәгән. Аңа карата җинаять эше кузгатылды. Тикшерү дәвам итә.